ஸ்ரீ அப்பன் வெங்கடாசலபதி கோவில்,சேரன்மகாதேவி

 மணம் கமழும் பொதிகை தென்றலும், தாமிரபரணி ஆறும் சூழ்ந்த சேரன்மகாதேவியில் அமைந்துள்ள ஸ்ரீ அப்பன் வெங்கடாசலபதி கோவிலுக்கு செல்லும் வாய்ப்பு சமீபத்தில் கிடைத்தது. ஆற்றங்கரையோரம் பசுமையான வயல் வெளி சூழ அழகாக வடிவமைக்கப்பட்ட கோவிலில் பெருமாள் தனி சந்நிதியிலும் , இரு தாயார்கள்  தனி தனி சந்நிதியிலும் இருந்து அருள் மழை பொழிகிறார்கள். சிறிய திருவடியாம் ஆஞ்சநேயர் தனியே அழகுற இருப்பது எப்பொழுதும் "ராம் ராம் " என்று சொல்வது போலவே உள்ளது. பெருமாள் திருமலை திருப்பதி போலவே சிறிய வடிவில் கண்ணைக் கவரும் அழகில் ஜொலிக்கிறார். 140 வருடங்களுக்கு மேலாக பராமரிப்பின்றி இருந்த இக்கோவிலை இந்த ஊர்க் காரர்கள் சிரமமெடுத்து தற்சமயம் திருப்பணிகள் செய்து மஹா  சம்ப்ரோசணம் நடத்தி உள்ளார்கள். நமது உறவினர் எனது கொழுந்தனார் சேரன்மகாதேவி திரு மந்திரமூர்த்தி (Indian Bank) அவர்கள் எங்களுடன் வந்திருந்து கோவிலின் சிறப்புகளை எடுத்துரைத்தார்கள். கோவிலில் எடுத்த சில PHOTOS கோவிலின் அழகினை எப்பொழுதும் காண அழைக்கின்றன. நீங்களும் ஒரு முறை இக்கோவிலுக்கு சென்று ஸ்ரீ அப்பன் வெங்கடாசலபதியின் அருள் பெற்று வாருங்களேன். 

மீனா தேவர்பிரான், நாலாட்டின்புத்தூர்.